10 jaar Mien Westerkwartier

Al 10 joar perbeert Stichting Mien Westerkwartier op allerlei menieren de toal van onze streek onder de aandacht te brengen bij het publiek ien Grunnen, en met succes!

Om dat te vieren neudegen we jim uut om op vrijdag 17 november om 19.30 uur noar et Barontheater ien Opende te kommen. We kieken dan terug op wat west het en presenteren vanzulf veul muziek, gedichten en verhoalen. Ok wordt de oftrap geven van de schriefwedstried 't Schierste Verhoal' editie 2018.

Een oavend riekelek vuld met humor, verhoalen, gedichten en meziek. De vertellers van Kom op Verhoal doen n ‘Story-Slam’ (improvisatie op verhoalen), Gert Sennema en Piet Buist/Geert Zijlstra moaken meziek en verder bennen er optredens van Bert Weggemans, Willem-Tjebbe Oostenbrink, Tonko Ufkes en Cobie Poelman.

Zoals elkeneen wiet hemmen we over n klein joar, de nije gemeente Westerkwartier. En wij as Stichting bennen al ien, en met t hiele Westerkwartier bekend. Wij denken dat we de soamenwerking met jim verdiepen en vernijen kinnen. Want Mien Westerkwartier wil groag met elkeneen die onze streek en toal een warm hart toedroagt soamenwerken.

Veur jim organisoatie, vereniging, stichting of dörpshuus bennen we meschien al ‘bekenden’, of kennen jim Mien Westerkwartier deur het vertelcollectief  ‘Kom op verhoal’. Wij zollen t hiel mooi vienden as jim ok kommen of kennes met ons moaken willen.

De zoal is open om 19.15 uur en we begunnen om 19.30 uur. Om 22.30 uur is t programma oflopen. Doarnoa i-der nog volop tied om bij te proaten en n glaske met mekoar te drinken.

Entree € 5,- (dan hemmen je 2 kop kovvie/thee en wat lekkers erbij), jim kennen je opgeven via : info@mienwesterkwartier.nl

Feesteleke groet en tot 17 november!

Zie ook